Sabarmati-Chhapra Holi Special Train: સાબરમતી-છપરા વચ્ચે દોડશે અનરિઝર્વ્ડ હોળી સ્પેશિયલ ટ્રેન
Sabarmati-Chhapra Holi Special Train: 23 માર્ચના રોજ સાબરમતી અને છપરા વચ્ચે અનરિઝર્વ્ડ હોળી સ્પેશિયલ ટ્રેન દોડશે
અમદાવાદ, 21 માર્ચઃ Sabarmati-Chhapra Holi Special Train: પશ્ચિમ રેલવે દ્વારા હોળીના તહેવારને અનુલક્ષીને યાત્રીઓની માંગ અને સુવિધાને ધ્યાનમાં રાખતાં સાબરમતી-છપરા અને છપરા-અમદાવાદ વચ્ચે વિશેષ ભાડા પર અનરિઝર્વ્ડ હોળી સ્પેશિયલ ટ્રેનની બે ટ્રીપ ચલાવવાનો નિર્ણય કર્યો છે. જેની વિગતો નીચે મુજબ છે:-
ટ્રેન નંબર 09457/09458 સાબરમતી-છાપરા-અમદાવાદ હોળી સ્પેશિયલ (2 ટ્રીપ)
ટ્રેન નંબર 09457 સાબરમતી-છાપરા સ્પેશિયલ ટ્રેન શનિવાર 23 માર્ચના રોજ સવારે 08:00 કલાકે સાબરમતીથી ઉપડશે અને બીજા દિવસે 16:00 કલાકે છાપરા પહોંચશે. એ જ રીતે ટ્રેન નંબર 09458 છાપરા-અમદાવાદ સ્પેશિયલ ટ્રેન રવિવાર 24 માર્ચના રોજ છપરાથી સાંજે 20:00 વાગ્યે ઉપડશે અને ત્રીજા દિવસે સવારે 04:00 વાગ્યે અમદાવાદ પહોંચશે.
રૂટમાં આ ટ્રેન અમદાવાદ, નડિયાદ, આણંદ, છાયાપુરી, ગોધરા, દાહોદ, રતલામ, નાગદા, ઉજ્જૈન, સંત હિરદારામ નગર, બીના, વીરાંગના લક્ષ્મીબાઈ, કાનપુર સેન્ટ્રલ, ગોમતી નગર, બારાબંકી, ગોંડા, ગોરખપુર અને સિવાન સ્ટેશનો પર ઉભી રહેશે. આ ટ્રેનમાં તમામ કોચ જનરલ કેટેગરીના રહેશે.
ટ્રેનોના પરિચાલન સમય, રોકાણ, અને સંરચનાને લગતી વિસ્તૃત માહિતી માટે યાત્રી www.enquiry.indianrail.gov.in પર જઈને અવલોકન કરી શકે છે.